زمام مطاعم: مطعمك كله بنظام واحد
كاشير لمس سريع، تذاكر تجهيز، موقع طلب باسم مطعمك مع تتبّع، وواتساب يرد على زبائنك. كلها مربوطة ببعض، وتكمل شغل حتى لو انقطع النت.

بيع بلمسة، حتى لو الطابور طويل
الأصناف بالرسومات والبحث يفهمك لو كتبت «شورما» أو «shawarma». سفري وتوصيل وصالة بنفس الشاشة.
- الدفع مثل ما يصير بالعراق: نقد، كي كارد، زين كاش، أو مقسّم
- البيع بالوزن للسمك واللحم، والطلب المسبق بموعد
- زبون التوصيل يتذكره: اكتب أول رقمه ويطلع اسمه وعنوانه

موقع طلب باسم مطعمك، بدون عمولة
زبونك يطلب من موبايله والطلب يرن بالكاشير لحد ما ينقبل. يشوف حالة طلبه لحظة بلحظة.
- مناطق توصيل بأجرتها، والموقع يسكّر وحده ويّا الصندوق
- الصنف اللي يخلص يختفي من الموقع فوراً
- الوصل وحالة الطلب يوصلن للزبون على واتساب

الطباعة تصير وحدها
وصل الزبون من طابعة الكاونتر وتذكرة التجهيز من طابعة المطبخ، بدون ولا نافذة. وإذا حاسبة وگفت، التذكرة تطلع من الثانية.
- طابعات حرارية 80 و58 ملم، USB أو شبكة
- درج النقد ينفتح مع الدفع النقدي
- ورقة تجربة لكل طابعة قبل ما تبدي

تعرف شكد بعت ووين راحت الفلوس
تقارير اليوم والشهر والسنة، الأرباح بعد الكلفة والمصاريف، وطلبات تطبيقات التوصيل وشكد دفعولك فعلاً.
- الوردية والعدّ عند الإغلاق يبيّن الفرق
- المصاريف بموافقة المالك من موبايله
- تقرير يومي يوصلك على التلغرام

شنو تاخذ ويّا زمام مطاعم
أسئلة عن زمام مطاعم
شنو يحتاج المطعم حتى يشتغل بزمام مطاعم؟
حاسبة ويندوز أو تابلت للكاشير، وطابعة حرارية للوصل. إذا عندك مطبخ تضيف طابعة تجهيز. الموقع والتقارير تشتغل من أي موبايل.
هل يصير موقع طلب باسم مطعمي؟
نعم. كل مطعم إله موقع ولوحة تحكم خاصة بيه وبدومينه، باسمه وشعاره وقائمته، والطلب يرن بالكاشير لحد ما ينقبل، والزبون يتابع طلبه لحظة بلحظة. بدون عمولة على الطلبات.
يشتغل ويّا توترز وبلي وطلبات؟
نعم. تسجّل طلبات تطبيقات التوصيل بطريقة دفعها، تحط نسبة زيادة السعر لكل تطبيق، وتشوف شكد لازم يدفعلك التطبيق وشكد دفع فعلاً.
إذا انقطع النت بالمطعم شيصير؟
الكاشير يكمل بيع وطباعة، والطلبات تنحفظ على الحاسبة وتنرسل لما يرجع النت. اختبرنا هذا بأقل من ثانيتين للطلب.
أگدر أشوف مبيعات المطعم من موبايلي؟
نعم. ملخص اليوم، الأرباح بعد الكلفة والمصاريف، والطلبات حسب مصدرها، من أي موبايل وبأي مكان.
كم سعر زمام مطاعم؟
السعر حسب نوع شغلك وعدد الحاسبات والخدمات اللي تحتاجها (تنصيب، نقل بيانات، موقع باسمك). راسلنا على واتساب 07829394248 ونرسلك العرض، وتجرّب قبل ما تدفع.
جرّب زمام مطاعم 14 يوم
بكل المزايا وعلى بياناتك. وإذا عندك برنامج قديم ننقل بياناته.