زمام
دليل · مهند الراوي

شلون تختار برنامج كاشير لمحلك: 10 أسئلة قبل ما تشتري

برنامج الكاشير يرافقك سنين، وتبديله بعدين يكلّف وقت وبيانات. هذي الأسئلة نفسها اللي تعلّمناها من تنصيب البرامج داخل المحلات والمطاعم والصيدليات. اسألها لأي برنامج، وبعدها قرّر.

  1. هل يبيع لما ينقطع الإنترنت؟

    بالعراق النت والكهرباء ينقطعون، فأول سؤال: البرنامج يبيع ويطبع بدون نت لو لا؟ البرامج اللي تشتغل «أونلاين فقط» توگف الكاشير ويّا أول انقطاع. اسأل كمان: الفاتورة اللي انباعت والنت مقطوع، شلون توصل للتقارير بعدين؟ ومرة وحدة لو تتكرر؟

    زمام: زمام يحفظ كل فاتورة على الحاسبة أول شي ويرسلها مرة وحدة لما يرجع النت، والبيع وفتح قفل الشاشة يشتغلون بدون نت.

  2. شيصير بعد سنة من البيع؟

    أغلب البرامج سريعة بأول شهر لأن القاعدة فاضية. بعد سنة يصير بيها عشرات آلاف الفواتير، وهنا يبين البرنامج اللي «يثگل». اطلب من البائع رقم واضح: شكد ياخذ حفظ الفاتورة وتقرير الشهر على قاعدة بيها سنة شغل؟

    زمام: زمام منشور أرقامه على قاعدة لحد 205 ألف فاتورة بصفحة اختبار التحمّل، ويّا الحدود بصراحة.

  3. شلون يحمي بياناتك من الانطفاء والعطل؟

    الانطفاء المفاجئ وسط البيع ممكن يخرّب قاعدة البيانات إذا البرنامج ما يكتب بأمان. اسأل: هل يسوي نسخة احتياطية وحده؟ وين تنحفظ؟ وشلون أرجع لنسخة سابقة لو صار شي؟

    زمام: زمام انجرّب بـ120 انطفاء مفاجئ وسط البيع ولا فاتورة ضاعت، والنسخة الاحتياطية تنأخذ بالخلفية بدون ما توگف البيع.

  4. يشتغل ويّا طابعتك الحرارية وقارئ الباركود؟

    الطابعة الحرارية أكثر شي يعطّل بأول يوم: ورقة فاضية، كتابة مقصوصة، أو وصل ما يطلع. البرنامج الجيد يطبع مباشرة على الطابعة الحرارية بدون الاعتماد على تعريف ويندوز، ويدعم 80 و58 ملم.

    زمام: زمام يقرا طابعات الحاسبة ويختار الحرارية ويطبع ورقة تجربة، وإذا ما طلعت يجرّب الطريقة الثانية.

  5. مبني على نوع شغلك لو برنامج عام؟

    المطعم يحتاج تذاكر تجهيز وطلبات توصيل، الصيدلية تحتاج بيع بالشريط والحبة وتواريخ انتهاء، محل الملابس يحتاج مقاسات وألوان، ومحل الموبايل يحتاج IMEI وتقسيط. البرنامج العام يخليك تلف على النقص.

    زمام: لهذا زمام أربع برامج: مطاعم، صيدليات، محلات، وموبايلات، على نفس الأساس.

  6. تگدر تعرف ربحك الحقيقي؟

    المبيعات مو ربح. البرنامج لازم يسجّل البضاعة بكلفتها وقت الاستلام، ويطرح المصاريف والخصومات، ويعرض الربح لأي فترة. وإذا تبيع على تطبيقات التوصيل، لازم يحسب عمولتها.

    زمام: زمام يحسب الربح على الكلفة الحقيقية، والورديات بعدّ عند الإغلاق يبيّن العجز أو الزيادة.

  7. منو يشوف شنو؟ (الصلاحيات)

    الكاشير ما لازم يمسح فاتورة أو يغيّر سعر بدون أثر. اسأل عن صلاحيات لكل موظف، وسجل للحركات ما ينمسح.

    زمام: بزمام كل موظف بصلاحياته، وكل تغيير ينسجّل.

  8. تگدر تشوف شغلك من موبايلك؟

    صاحب المحل مو دائماً بالمحل. تقارير اليوم والأرباح والطلبات من الموبايل توفر عليك اتصالات كثيرة.

    زمام: زمام يعرض ملخص اليوم والتقارير من أي موبايل.

  9. ينقل بياناتك من برنامجك القديم؟

    إدخال آلاف الأصناف من جديد ياخذ أسابيع. اسأل إذا ينقل الأصناف والأسعار والأرصدة من Excel أو من قاعدة البرنامج القديم.

    زمام: زمام ينقل بياناتك ويقارن الأعداد وياك قبل ما تبدي.

  10. شلون الدعم بعد البيع؟

    المشكلة تصير الساعة 9 بالليل والمحل مزدحم. اسأل: الدعم يگدر يشوف حالة الحاسبة والطابعة عن بعد؟ والتحديثات توصل وحدها؟

    زمام: زمام عنده دعم عن بعد يقرا حالة الحاسبة والطابعات قبل ما يخمّن، وتگدر توقفه متى ما تريد، والتحديثات توصل وحدها.

تريد جواب هذي الأسئلة على محلك؟

كلّنا شنو شغلك وكم حاسبة عندك، ونجرّبه وياك 14 يوم على بياناتك.