زمام شغلك بيدك
برنامج كاشير لكل شغل: مطعم، صيدلية، محل، ومحل موبايلات. يبيع والنت مقطوع، يحفظ كل فاتورة قبل ما يطبع وصلها، وما يثگل لما تكبر بياناتك. وهذا مو كلام: قسناه.
نفس الأساس، وواجهة تناسب شغلك
المطعم بيه عشرات الأصناف ويريد بيع بضغطتين. الصيدلية بيها آلاف الأدوية وتريد بحث ما يغلط. فكل شغل إله برنامجه، والأساس واحد: نفس الحسابات، نفس الحماية، ونفس التحديثات.
زمام مطاعم
- سفري، توصيل، صالة وطاولات
- طابعة للزبون وطابعة للتجهيز
- موقع طلب وواتساب باسم مطعمك
زمام صيدليات
- بيع بالعلبة والشريط والحبة
- تنبيه الحساسية والتداخلات
- تشغيلات وتواريخ انتهاء
زمام محلات
- مقاسات وألوان وباركود
- ورديات وجرد ومشتريات
- موقع بيع مربوط بالمخزون
زمام موبايلات
- نقد وأقساط بجدول على الوصل
- كل جهاز برقم IMEI
- تذكير القسط على واتساب
ما تعرف شنو تسأل قبل ما تختار برنامج؟ 10 أسئلة قبل ما تشتري برنامج كاشير
حمّلناه سنة شغل كاملة وقسنا
أكثر سؤال ننسأله: البرنامج يثگل أو يوگف؟ فبنينا لكل برنامج قاعدة بحجم سنة وأكثر، وطفّيناه وسط البيع 120 مرة. هذي النتيجة.
انبنى من مشاكل صارت داخل المحلات
كل نقطة هنا انحلّت لأنها صارت فعلاً عند زبون.
النت ينقطع والبيع يكمل
تبيع وتفتح قفل الشاشة بدون نت. الطلب ينحفظ على الحاسبة وينرسل مرة وحدة لما يرجع الاتصال، حتى لو الحاسبة انطفت فجأة.
ما يثگل لما تكبر بياناتك
أغلب البرامج سريعة بأول شهر وتثگل بعد سنة. زمام مختبر على قاعدة سنة كاملة وأكثر، والأرقام منشورة.
الطابعة تنربط وحدها
البرنامج يقرا طابعات الحاسبة، يختار الحرارية، ويطبع ورقة تجربة. إذا ما طلعت يجرّب طريقة ثانية بدون ما تفتح إعدادات.
بياناتك ما تضيع
نسخة احتياطية وحدها بدون ما توگف البيع، وتگدر ترجع لنسخة سابقة. والاسترجاع نفسه ياخذ نسخة قبله حتى ينرجع عنه.
تشوف شغلك من موبايلك
مبيعات اليوم، الأرباح، المصاريف، ومنين إجت الطلبات. شاشة واضحة مثل أي تطبيق.
دعم يشوف المشكلة عن بعد
نقرا حالة الحاسبة والطابعات والاتصال ونضبطها وإحنا بمكاننا. وتگدر توقف هالصلاحية متى ما تريد.
مو بس برنامج، نشغّله وياك
التنصيب بالمحل
نربط الحاسبات والطابعات وقارئ الباركود ونجرّب كل ورقة قبل ما نطلع.
نقل بياناتك
ننقل أصنافك وأسعارك وأرصدتك من ملف أو من برنامجك القديم.
تدريب الكاشير
بيع، استرجاع، فتح وتسكير الصندوق. جلسة وحدة تكفي.
موقع باسمك
قائمتك أو بضاعتك أونلاين بدومينك، والطلب يوصل للكاشير مباشرة.
وصل وهوية بشعارك
شعارك على الوصل والموقع والتطبيق. اسم محلك هو اللي يشوفه زبونك.
متابعة بعد التشغيل
التحديثات توصلك وحدها، وأي تعديل تحتاجه نسويه بدون ما يوگف شغلك.
ثلاث خطوات
تشتغل عليه ببياناتك الحقيقية، بكل المزايا.
الطابعات، الأصناف، الموظفين وصلاحياتهم.
كود تفعيل لحاسبتك، ويبقى يشتغل حتى بدون نت.
أسئلة يسألوها قبل ما يبدون
شنو هو زمام؟
زمام برامج كاشير ونقاط بيع عراقية: زمام مطاعم، زمام صيدليات، زمام محلات، وزمام موبايلات. كل برنامج مبني على شغله، وكلها تشتغل بالعربي وتبيع حتى لو انقطع الإنترنت. تصميم وتطوير مهند الراوي.
هل برنامج الكاشير يشتغل بدون إنترنت؟
نعم. البيع وطباعة الوصل وفتح قفل الشاشة كلها تشتغل بدون نت، والفاتورة تنحفظ على الحاسبة أول شي. لما يرجع النت ينرسل كل شي مرة وحدة بدون تكرار.
هل البرنامج يعلّق أو يثگل لما تكثر الفواتير؟
اختبرنا كل برنامج على قاعدة بيانات سنة كاملة وأكثر (لحد 205 ألف فاتورة) وطفّيناه وسط البيع 120 مرة: حفظ الفاتورة بالملي ثانية ولا فاتورة ضاعت. الأرقام كلها بصفحة اختبار التحمّل.
يدعم الطابعة الحرارية وقارئ الباركود؟
نعم. طابعات الوصل الحرارية 80 و58 ملم (USB أو شبكة) بطباعة مباشرة، طابعة ثانية للتجهيز أو الملصقات، وأي قارئ باركود. البرنامج يتعرّف على الطابعة ويطبع ورقة تجربة بنفسه.
أگدر أنقل بياناتي من برنامجي القديم؟
نعم، ننقل الأصناف والأسعار والأرصدة من ملف Excel أو من قاعدة برنامجك القديم، ونقارن الأعداد وياك قبل ما تبدي.
كم سعر برنامج الكاشير؟
السعر حسب نوع شغلك وعدد الحاسبات والخدمات اللي تحتاجها (تنصيب، نقل بيانات، موقع باسمك). راسلنا على واتساب 07829394248 ونرسلك العرض، وتجرّب قبل ما تدفع.
خل نشوف محلك
كلّنا شنو شغلك وكم حاسبة وطابعة عندك، ونرتبلك تجربة 14 يوم على بياناتك.